Tirana
clear sky
31.5 ° C
31.5 °
31.5 °
31 %
1.5kmh
0 %
Die
36 °
Hën
38 °
Mar
40 °
Mër
42 °
Enj
42 °
E diel, 25 Korrik, 2021

E njejta firmë, por në Shqipëri çmimi i oksigjenit blihet dyfish më shtrenjtë se në Maqedoninë e Veriut

spot_img
spot_img

Lajme të ngjashëm

Nga disa dokumente të analizuara dhe shqyrtuara nga spitalet e Shqipërisë dhe spitalet e Maqedonisë së Veriut për blerjen e oksigjenit, rezulton që në vendin tonë, çmimi i blerjes është dyfish më i lartë. Lajmi është bërë publik sot në emisionin “Fiks Fare”.

Spitali Rajonal i Korçës e blen 1 litër për plot 135 lekë të reja ndërsa Spitali i Shkupit e blen për vetëm 68 lekë. Pra, Korça e blen pothuajse dyfish.

Ligji dhe vendimet e Këshillit të Ministrave parashikojnë se firmat “janë të detyruara ligjërisht që të vetëdeklarojnë çmimet e shumicës dhe të pakicës së barnave në vendin e origjinës. Sipas një VKM-je, “çmimi i referencës” për Shqipërinë do të jetë çmimi më i ulët nga elementët e mëposhtëm; Çmimi që aplikohet ndër pesë shtetet referente; Çmimi i tregtimit me pakicë të barit në vendin e origjinës. Ose, çmimi i shitjes me pakicë të barit në Shqipëri duhet të jetë më i ulët ose i njëjtë me çmimin e shitjes me pakicë të tij në vendin e origjinës.

Në pikën 9 thuhet se çmimet “CIF” të deklaruara në Shqpëri do të krahasohen me çmimet e tregtimit me shumicë të shteteve referente; Itali, Greqi, Serbi, Maqedoni dhe Kroaci.

Një nga shtetet referente është pikërisht Maqedonia e Veriut, fqinji jonë lindor. “Fiks Fare” ka siguruar një dokument, e cila në fakt është kjo kontratë mes kompanisë Messer dhe Spitalit Shtetëror të Shkupit. Pra, e njëjta kompani që operon edhe në Shqipëri.

Sipas këtij dokumenti, Spitali i Shkupit e ka blerë 1 litër oksigjen të lëngshëm për 34 dinar, ose 0.55 euro, në lekë, 68 lekë, ndërsa në Spitalin e Korçës 1 litër oksigjen i lëngshëm është blerë plot 135 lekë. Pra, dyfishi i çmimit të Spitalit Shtetëror të Shkupit. Në të dyja rastet, furnizues është firma Messer!

Më shumë

spot_img
spot_img