Një incident mes një biçiklisti dhe një kalimtari ka degraduar më pas deri në konfrontim fizik.
Shtetasi R.C., ka goditur me biçikletë një 58-vjeçar, dhe më pas është konfliktuar me të. 58-vjeçari është dërguar në spital për të marrë mjekim.
Njoftimi i policisë
Tiranë/Informacion paraprak
Rreth orës 15:40, tek 9-katëshet, si pasojë e një konflikti të çastit, shtetasi R.C., ka goditur me biçikletë dhe më pas është konfliktuar fizikisht me shtetasin F.H., 58 vjeç. Si pasojë e konfliktit është dëmtuar shtetasi F.H i cili është dërguar në spital për të marrë mjekim. Shtetasi R.C., është shoqëruar në ambientet e Komisariatit Nr.3 për veprime të mëtejshme. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.