Michael Jackson do të portretizohet nga nipi i tij Jaafar Jackson në një film biografik. Filmi i titulluar thjesht “Michael”, do të jetë roli i parë i madh filmik për 26-vjeçarin Jaafar, i cili është djali i kantautorit dhe anëtarit të Jackson 5, Jermaine Jackson, vëllait të madh të Michael.
Përmes një postimi në Twitter, Jaafar tha se ndihej i nderuar dhe i përulur për të sjellë historinë e xhaxhait të tij të ndjerë.
Ky film po realizohet me bashkëpunimin e familjes dhe pasurisë së Jackson, duke u ofruar “audiencës një portret të thellë të burrit dhe vëllait tonë që u bë Mbreti i Popit”, tha në një deklaratë një anëtar i familjes Jackson në shkurt të vitit të kaluar.
Prodhimi i filmit i cili do të drejtohet nga Antoine Fuqua, i prodhuar nga “Bohemian Rhapsody’s” Graham King dhe i shkruar nga i nominuari tre herë për Oscar John Logan, do të fillojë brenda këtij viti.
“Është kaq e mrekullueshme ta shohësh atë të mbajë trashëgiminë e Jackson-it të artistëve dhe interpretuesve”, tha nëna e Michael, Katherine Jackson.
I’m humbled and honored to bring my Uncle Michael’s story to life. To all the fans all over the world, I’ll see you soon.
Photo by Jourdynn Jackson pic.twitter.com/Xow9Mkakup
— Jaafar Jackson (@JaafarJackson) January 30, 2023