Nuk mund të ndodhte ndryshe, sipas regjizorit Petri Bozo.
Në një vizitë në shtëpinë e Kongresit të Lushnjes, kishte parë mbiemrin Bozo në emrat e vendosur në mur. Dhe që aty, kishte lindur ideja e organizimit të Miss Shqipëria në shtëpinë e Kongresit të Lushnjes.
Përpara fillimit të spektaklit në orën 21.00 të shtunën në mbrëmje, ishte producenti Petri Bozo që e dha vetë lajmin sesi nisi ideja e projektit të Miss Shqipëria në qytetin e Lushnjes, nga ku ai vetë vjen.
Eshtë 100 vjetori I Kongresit të Lushnjes, ndaj nuk mund ta shmangia këtë festë. Bisedova me kryetarin e bashkisë së Lushnjes dhe menjëherë gjeta përkrahjen dhe mbështetjen e tyre. Vend më të bukur sesa e bukura e Shqipërisë të dilte nga shkallët e shtëpisë së Kongresit, nuk kishte, rrëfen producenti Petri Bozo.
Por spektakli po zhvillohej në kohë pandemie, ndaj ruajtja e distancës ishte prioriteti numër një. Dhe vajzat madje, në sfilatën e tyre të parë, në veshjen e tyre, kishin për qëllim pikërisht të tregonin me veshje distancën sociale.
Edhe pse ishin vendosur pak karrige, një numër I kufizuar të zgjedhurish të bashkisë, kjo nuk e pengoi qytetin e Lushnjes të zgjohej. Gjithë lushnjarët kishin dalë në shesh. Nëpër ballkonet e pallateve nuk kishte vend. Ishin vetë lushnjarët që hidhnin fishekzjarrë duke e kthyer këtë ditë të zgjedhjes së Miss Shqipëria në një festë të vërtetë për qytetin.
Mes 26 vajzave, juria e kishte të vështirë të përzgjidhte më të bukurën Shqiptare, edhe pse cmimet ishin të shumta. Megjithatë, më në fund, vetëm njëra do të vinte kurorën e bukurisë mbi kokë, për të finalizuar muajt e përgatitjes dhe një spektakël nën një skenografi që në qendër kishte shtëpinë e Kongresit, por kishte improvizuar edhe dy shtëpi të tjera përpara shkallëve të shtëpisë muze.
Në fazën finale u dhanë këto çmime:
Miss Interneti Iliada Baci
Miss Miqësia Antonela Çina
Miss “Stopi” vajza e zgjedhur si velinë Françeska Rustemi
Miss Press Sindi Drala
Shoqëruesja e dytë e “Miss Shqipëria 2020” u shpall Klerisa Meta
Shoqëruesja e parë Françeska Rustemi.
Më të bukurën e bukurisë shqiptare, juria zgjodhi vajzën me numrin 14, Iliada Baci, të cilën Kryetari i Bashkisë Lushnje z.Fatos Tushe e shpalli fituese të “Miss Shqipëria 2020”.