Kryeministri Edi Rama mëngjesin e sotëm ka prezantuar me anë të një videomesazhi Dhora Dajkon, e cila është pjesë e listave të PS, dhe renditet e 10-ta në qarkun e Korçës.
Në videomesazh Dajko shprehet se ka kërkuar të bëhet pjesë e PS për vizionin e qartë dhe largpamës për të transformuar Shqipërinë.
“Pse kërkoj t’i bashkohem ekipit të Partisë Socialiste? Për vizionin e qartë dhe largpamës për të transformuar Shqipërinë tonë. Për rëndësinë që i ka dhënë gruas. Hapësirën për gratë në të gjitha nivelet e qeverisjes. Në një qytezë të vogël si Maliqi sheh pak femra të angazhuara në politikë, prandaj angazhimi im vjen dhe si shtysë për t’ju thënë të gjitha vajzave të reja: “Ti mund t’ja dalësh” thotë ajo.