Dy persona kanë ndërruar jetë brenda pak orëve në Tiranë, këtë të hënë. Policia informon se një 33 vjeçar ka ndërruar jetë në Farkë pasi është hedhur nga kati i dytë i shtëpisë së tij.
Ndërkohë, në zonën e Komunës së Parisit një 60 vjeçar është gjetur i pajetë nga kalimtarët. Paraprakisht dyshohet për vdekje natyrale, pasi në trup nuk janë konstatuar shenja dhune.
Tiranë/Informacione paraprake
Më datë 16.01.2023, në Farkë të Vogël, dyshohet se është vetëhedhur nga kati i dytë i banesës së tij, shtetasi E. Gj., 33 vjeç, i cili për pasojë ka ndërruar jetë.
Grupi hetimor po punon për sqarimin e rrethanave të ngjarjes.
—-
Më datë 16.01.2023, te Komuna e Parisit, është gjetur nga kalimtarët, pa shenja jete, në rrugë, shtetasi F. D., 60 vjeç. Nga këqyrja paraprake e trupit nuk janë konstatuar shenja dhune.
Grupi hetimor po punon për sqarimin e rrethanave të ngjarjes.