Dy femra kamikaze kanë sulmuar qytetin Borno që ndodhet shumë afër Maiduguri-t të Nigerisë duke vrarë 22 persona dhe plagosur 18 të tjerë.
Kamikazet kanë shpërthyer njëra pas tjetrës duke qenë shumë afër me njëra-tjetrën në një zonë, e cila konsiderohet si një nga vendet më të populluara të Afrikës. Asnjë organizatë terroriste nuk ka marrë deri tani përgjegjësinë e sulmit, raporton Reuters.
“Fatkeqësisht 22 njerëz kanë humbur jetën dhe 18 ë tjerë janë plagosur, disa prej tyre rëndë. Sulmi i parë u bë pranë një xhamie, ndërsa sulmi i dytë 50 metra më larg, pak minuta më vonë”, ka thënë zëdhënësi i ushtrisë Sani Usman.