Qyteti i Durrësit është zgjuar i tronditur mëngjesin e sotëm teksa një trup pa shenja jete u gjet nga disa peshkatarë.
Kufoma është gjetur në det në një distancë prej gati 10 km nga bregu. Trupi i pajetë është dërguar në Portin e Durrësit me anë të një peshkarexhe. Sipas informacioneve paraprake, ka dyshime se kufoma i përket seksit femër. Verifikimet e para zbulojnë se trupi ka qëndruar në ujë prej një kohe të gjatë. Kufa u gjet teksa peshkatarët po peshkonin në 70 metra thellësi.
Deri tani, nuk ka të dhëna rreth identitetit të personit të vdekur dhe shkaqeve të vdekjes.