Drejtori i sektorit kundër narkotikeve në Policinë e Shtetit, Rezart Velmishi, i pyetur në emisionin “Në Shënjestër”nga gazetarja Klodiana Lala se kujt i përket parcela e drogës në të cilën u vra nënkomisari Saimir Hoxha, u shpreh se nuk preferon të bëjë komente, pasi çështja është ende nën hetim.
“Nuk mund të bëj komente, nuk preferoj të bëj komente…”- tha shkurt Velmishi.
Ndërkohë, vetë gazetarja Klodiana Lala foli për këtë parcelë, për të cilën tha se i përket një “bos-i”të madh të trafikut të drogës. Ajo nuk e zbuloi identitetin e tij, pasi tha se ende nuk e ka të dokumentuar.