Tirana
clear sky
18.5 ° C
18.5 °
18.5 °
82 %
1kmh
0 %
Sht
33 °
Die
36 °
Hën
37 °
Mar
39 °
Mër
40 °
E shtunë, 24 Korrik, 2021

Drejtoresha e ISHP: E paralajmëruam rritjen e rasteve pas festave të fundvitit, po ndjekim me vëmendje rastet që mund të jenë mutacione të virusit

spot_img
spot_img

Lajme të ngjashëm

191dc1e5b73462e36cc3f3e110cdf17b

Ditët e fundit numri i infektimeve të reja ka arritur shifra rekord, por për drejtoreshën e Institutit të Shëndetit Publik, Albana Fico, është shprehur se kjo ishte paralajmëruar nga autoritetet.

“E kishim paralajmëruar këtë. Në prag të fundvitit, kur folëm për respektimin e masave në atë periudhë, thamë që do të rriten numrat nëse nuk respektohen masat gjatë festave. Sa më shumë raste pozitive të kemi, aq më shumë të shtruar në spital dhe aq më shumë viktima do të kemi”, u shpreh Fico.

Në një instervistë për A2CNN, ajo tha se ISHP po ndjek me vëmendje situatën dhe rastete që duken të panatyrshme dhe mund të jenë mutacione të virusit.

“Nuk mund të ketë grumbullime nëpër resorte dhe ne të kthejmë kokën nga ana tjetër. Është kollaj të marrësh masa drastike për të mbyllur çdo gjë. Gjendja psiko-emocionale është marrë në konsideratë për të mos bërë mbyllje drastike. Edhe lejimi i aktiviteteve ekonomike ishte dhe mbetet diçka që duhet të vijojë. Por, leja e dhënë u thye. Unë besoj se është situatë delikate, sidomos kur shikohen numrat e rritur nëpër spitale. Por, kemi lënë në fuqi disa masa dhe po ndjekim me vëmendje situatën dhe rastet që duken të panatyrshme, që mund të jenë viruse mutante. Duhet të bëjmë një sforco, duke nisur nga vetja, më pas autoritetet shëndetësore dhe bizneset që të mos mbyllemi”, shtoi Fico.

Për sa i përket planit 14 mujor të vaksinimit, Fico u shpreh se skenari është që të realizohet vaksinimi i popullsisë në këto 14 muaj.

“Skenari për të cilin jemi përgatitur dhe dëshirojmë, është që për 14 muaj të realizojmë vaksinimin. COVAX ka një kalendar specifik që thotë saktësisht se sa vaksina do të marrë çdo vend. Por, duke u nisur edhe nga situata e vonesave të Pfizer, është e parakohshme për të thënë që për 14 muaj do ta kryejmë. Ne do të vijojmë me planin tonë të vaksinimit, por duke pasur parasysh edhe llojin e vaksinës dhe efikasitetin e saj për grupmosha të caktuara”, u shpreh Fico.

Më shumë

spot_img
spot_img