Dorëzohet një aplikim i ri për anëtar në Prokurorinë e Posaçme kundër Korrupsionit dhe Krimit të Organizuar (SPAK).
Është Prokurori i Tiranës Shkëlzen Cena ai i cili ka aplikuar për anëtar i SPAK duke e çuar në 4 numrin e aplikimeve.
Mësohet se për SPAK ka aplikuar sot Arben Kraja, prokurori i Prokurorisë së Përgjithshme, i cili ka hetuar Lulzim Bashën për aferat në 'Rugën e Kombit'.
Kandidatura tjetër është Vladimir Mara, prokuror i Krimeve të Rënda. Po ashtu ka aplikuar edhe prokurori tjetër i Krimeve të Rënda, Dritan Prençi.
Afati për ë apliakur për SPAK është deri më 6 shkurt.
Struktura e Posaçme kundër Korrupsionit dhe Krimit të Organizuar do të ketë si objektiv korrupsionin e zyrtarëve të lartë dhe krimin e organizuar. Me ngritjen e Prokurorisë dhe Gjykatës speciale, hapet dhe rruga për krijimin e Byrosë kombëtare të hetimit, e cila do të funksionojë sipas modelit të FBI-së amerikane.