Valentino Rossi thotë mjaft!
Piloti i njohur i Moto GP ka njoftuar tëheqjen përfundimtare. Ai ka zhvilluar 26 sezone fantastike, duke bërë arritje të mëdha, të cilat do mbesin në memorien e fansave për gjithë jetën.
Gjithçka është bërë me dije në një konferencë të jashtëzakonshme të zhvilluar në Red Bull Ring. 42 vjeçari do të mbahet mend për rekordet e thyera, por mbi të gjitha për atë çka i ka dhënë Moto Gp-së gjatë gjithë viteve të gjata.
“Përshëndetje të gjithëve, është pak e sikletshme këtu … kam vendosur të ndalem në fund të sezonit. I dhashë vetes kohë dhe vendosa të ndalem në fund të vitit. Më vjen shumë keq. Doja të garoja edhe 20-25 vjet të tjera, por, për fat të keq nuk është e mundur.
Është një moment shumë i trishtuar, është e vështirë, por vitin e ardhshëm nuk do të garoj në MotoGP. E kam bërë për gati 30 vjet dhe nga viti 2022 jeta ime do të ndryshojë. Ishte gjithçka e mrekullueshme, jam argëtuar shumë, në këtë udhëtim të gjatë. Gjithçka që jetova me ekipin tim ishte e paharrueshme. Kishte momente të paharrueshme që do t’i mbaj gjithmonë me vete. Nga viti i ardhshëm nuk do të garoj, por mund të them se gjithçka ka qenë shumë, shumë bukur ” – tha ai.