Duke rrëfyer tmerrin e përjetuar natën kur është sulmuar me armë shtëpia e prindërve të saj, gazetarja Klodiana Lala është shprehur e bindur se do të vazhdojë të bëjë punën e saj me po të njëjtin përkushtim.
"Publiku duhet të më besojë ashtu siç më kanë besuar deri më sot. Unë do të jetoj në këtë vend, unë do i rris vajzat e mia në këtë vend. E kam dashur dhe do vazhdoj ta dua këtë vend”, u shpreh Lala.
Gjithashtu gazetarja ka rrefyer se edhe para dy vitesh ka marrë nje letër kërcënuese që nuk e bëri kurrë publike.
“Kërcënimet e gazetarëve të kronikës nuk janë marrë seriozisht, nuk është vlerësuar puna e gazetarëve të kronikës, policia i ka marrë me dyshim i ka lenë dosjet aty në një cep”, tha mes të tjerash Lala.