Një qytetar në Kosovë ka tentur që të fusë në avion 100 fishekë dhe më pas t’i dërgonte në Bruksel.
Dogana e Kosovës ka njoftuar se përmes linjës së fluturimit Bruksel – Prishtinë ka arritur një udhëtar, i cili ka kaluar në kanalin e gjelbër dhe është selektuar për kontroll nga oficerët doganorë.
Pas imazheve të skanimit është kërkuar edhe kontrolli fizik i valixhes dhe gjatë kontrollit fizik të valixhes është hasur në mall të ndaluar, respektivisht fishekë 8 mm në sasi prej 100 copëve.
“Për arsye të natyrës së mallit, pasi hyn në kategorinë e mallrave të ndaluara për import, pa leje përkatëse, rasti konform procedurës i është dorëzuar Policisë. Malli i ndaluar: Municion për pistoletë me gaz 100 copë, të markës ‘Fiocchi Blanc’ 8 mm”, thuhet në njoftimin e Doganës.