Kryeministri Edi Rama është shprehur se qeveria nuk do të bëjë asnjë premtim për uljen e çmimit të energjisë elektrike, por u zotua se nuk do të lejojë që çmimi të rritet.
Rama ironizoi kreun e PD Lulzim Basha kur u shpreh se premtimet për ulje të energjisë mund t’i bëjë vetëm ai.
“Çmimin e energjisë mund ta ulë Lulzim Basha. Që s’ka gjë në dorë dhe që s’do ketë gjë në dorë. Por kjo qeveri që ka në dorë punën, ajo që mund të bëjë, është të mos lejojë rritjen e saj duke e subvencionuar. Në çdo faturë energjie që ne paguajmë si konsumator familjar është brenda mundësia që na jepet për të paguar ekstra.
Për çdo faturë energjie qeveria paguan ekstra në arkën e OSHEE. Çdomethënë ulje e energjisë. Jo çdo premtim që ti bën mund të mbahet se ndodh diçka që nuk e parashikon dot.
Sic është aeroporti i Vlorës, nuk e ndalonim dot pandeminë.
Ulja e çmimit të enregjisë është një premtim që nuk e bëjmë dot se nuk bazohet në asnjëlloj arsyetimi. Këtë mund ta bëj Lulzimi që nuk ka gjë në dorë, dhe që s’do ketë gjë në dorë. E di që as ka e as do ketë gjë në dorë, dhe thotë kap ca të kapësh e premto nënë e babë. Ne s’mund ta bëjmë këtë”, u shpreh Rama.