Hapësire reklamuese

Bota

“Do pranojmë aq sa do vijnë në kufijtë tanë”, Polonia "hap dyert" për ukrainasit: Do u sigurojmë ushqim dhe kujdes mjekësor

Shkruar nga Newsbomb
“Do pranojmë aq sa do vijnë në kufijtë

Polonia është shprehur e gatshme që të presë ukrainasi, që po pushtohen nga Rusia.

Në një njoftim sot u tha se Polonia do të hapë nëntë qendra pritjeje përgjatë kufirit të saj me Ukrainën.

"Me siguri do të ketë një valë refugjatësh që do të mbërrijnë në vendin tonë," u tha gazetarëve të enjten ministri i Brendshëm i Polonisë, Mariusz Kaminski.

Ai shtoi se Polonia do të pranojë "aq sa do të ketë në kufijtë tanë". Polonia po krijon nëntë qendra pritjeje pranë kufirit 535 kilometra (332 milje) të gjatë.

Qendrat do t'u ofronin të ardhurve ushqime dhe kujdes mjekësor, si dhe një vend për të pushuar.

Kreu i rojes kufitare polake, Tomasz Praga, tha të enjten se kishte pasur një "rritje" të numrit të njerëzve që kërkonin të kalonin kufirin Poloni-Ukrainë në të dy drejtimet, por shtoi se situata ishte e qëndrueshme.

Pak më parë Komisioneri i Lartë i Kombeve të Bashkuara për Refugjatët (UNHCR) u bëri thirrje shtetëve që mos të mbyllin kufijtë dhe të presin e mbështesin popullin e ukrainës.

“Jemi thellësisht të shqetësuar për situatën e përkeqësuar me shpejtësi në Ukrainë dhe veprimet e vazhdueshme ushtarake.

Pasojat humanitare për popullatën civile do të jenë katastrofike. Nuk ka fitues në luftë, vetëm shkatërrim për jetë të panumërta.

Tashmë po shohim raporte për viktima njerëzore dhe për njerëz që kanë filluar të largohen nga shtëpitë e tyre në kërkim të sigurisë. Popullsia civile dhe infrastruktura civile duhet të mbrohen dhe ruhen në çdo kohë, në përputhje me të drejtën ndërkombëtare humanitare.

Komisioneri i Lartë i OKB-së për Refugjatët po punon me autoritetet, Kombet e Bashkuara dhe partnerët e tjerë të saj në Ukrainë dhe është i gatshëm të ofrojë ndihmë humanitare aty ku është e nevojshme dhe e realizueshme. Për të arritur këtë, duhet të sigurohet që të ketë akses të sigurt në ndihma humanitare.

UNHCR po bashkërendon gjithashtu me qeveritë fqinje dhe bën thirrje që kufijtë e tyre të mbahen të hapura për njerëzit që kërkojnë siguri dhe mbrojtje. Mbetemi në dispozicion të të gjithëve për të mbështetur reagimin ndaj çdo situate shpërnguljeje të detyruar.

Për këtë qëllim, ne kemi forcuar veprimin tonë operacional dhe gatishmërinë në Ukrainë dhe vendet fqinje.

Ne mbetemi fuqishëm të përkushtuar për të ofruar ndihmë për të gjitha popullsitë e prekura në Ukrainë dhe në rajon më gjerë” thuhet në deklaratë.

Sondazh

Poll