Tirana
clear sky
38.5 ° C
38.5 °
38.5 °
19 %
4.1kmh
0 %
Die
36 °
Hën
37 °
Mar
37 °
Mër
39 °
Enj
38 °
E diel, 1 Gusht, 2021

“Do bëjmë hekurudhën Pogradec-Korçë-Greqi”, ministret bëjnë zotimet në 30-vjetorin e PS: Nga shtatori anglishtja që në klasë të parë

spot_img
spot_img

Lajme të ngjashëm

Ministrja e Infrastrukturës dhe Energjitikës, Belinda Balluku deklaroi gjatë Kongresit të Partisë Socialiste se mandatin e tretë do të ndërtohet linja hekurudhore Pogradec-Korçë-Greqi.

Ky projekt gjigand do të marrë formë pas përfundimit të linjës Tiranë-Rinas-Durrës. Balluku u shpreh se ky projekt bën pjesë në planin “Shqipëria 2030” për zhvillimin e vendit.

“Përveç linjës hekurudhore të shpejtësisë së lartë Tiranë, Rinas Durrës, do vi dhe linja e re Pogradec, Korçë Greqi e cila do bëjë shumë më të leverdisshme dhe të shpejtë lëvizjen e mallrave e pasagjerëve në drejtim të Greqisë, Bullgarisë, Turqisë dhe Maqedonisë së Veriut përmes një nyje në zonën e Linit. Duke jetësuar kështu korridorin e tetë. Linja me Malin e Zi do bëhet duke rehabilituar hekurudhën, Vorë, Hani i Hotit”.

Nga ana tjetër, ministrja Evis Kushi ka zbuluar në Kongresin e PS se nga shtatori anglishtja fillon në të gjitha shkollat e Shqipërisë që në klasën e parë. Kushi thotë se është bërë një përgatitje e madhe më parë në arsim që të zbatohet kjo politikë ambicioze.

“Që prej këtij shtatori gjuha angleze fillon që në klasën e parë. Është bërë një punë e jashtëzakonshme për forcimin e kurrikulave, duke përgatitur plotësisht zbatimin e kësaj politike ambicioze. Mandati i tretë shënon fundin e shkollave me dy turne. Shkollat e reja do të jenë më të mirë, më të forta, më të sigurta. Do të vazhdojmë të investojmë tek rritja profesionale e mësuesve. Angazhohemi të vlerësojmë e rrisim dinjitetin tashmë të rikthyer të mësuesve. 40% do i rriten pagat brenda mandatit”, tha Kushi.

Më shumë

spot_img
spot_img