Ambasadori i SHBA në Kosovë, ka reaguar pasi ngjarjes së shënuar në Kosovë, ku një qytetari serb iu dogj makina pasi mori targat “RKS”.
Hovenier ka thënë se SHBA-ja dënon aktin e djegies dhe shkatërrimit të pronave dhe çfarëdo përpjekje tjetër për të intidimiduar ata të cilët dëshirojnë të regjistrojnë makinat e tyre me RKS. Ai i ka quajtur ato akte frikacake dhe kriminale.
“Këto janë akte frikacake dhe kriminale”, ka shkruar Hovenier në “tëitter”.
Ai madje edhe një herë ka kërkuar që të shtyhet vendimi për 12 muaj, në mënyrë që targat RKS mund të vendosen pas kësaj periudhe.
“SHBA-ja dënon djegien ose shkatërrimin e pronës dhe çdo përpjekje për të frikësuar ata që kanë ose synojnë të marrin targa të veturës RKS sipas ligjit kosovar. Këto janë vepra frikacake dhe kriminale.
Ne ritheksojmë kërkesën tonë për një zgjatje të plotë të periudhës së zbatimit në mënyrë që tabelat RKS të mund të vendosen gjatë 12 muajve duke pohuar se Kosova ka të drejtë ta zbatojë këtë ndryshim” shkruan ai në postimin e tij.