Ditmir Bushati Ministri i Jashtën i Shqipërisë ka dhënë mbështetjen e tij për Maqedoninë nga Samiti i Ministrave të Jashtëm të BE-së.
Në një intervistë për European Western Balkans, ministri Bushati u shpreh i shqetësuar për gjendjen e trazuar në Maqedoni nga ku theksoi se Shqipëria është vendi fqinj më i denjë për të.
“Ju kurrë nuk do të gjeni një fqinj më miqësor ndaj Maqedonisë sa Shqipëria. Një fqinj që kurrë nuk ka vënë në pikëpyetje integritetin territorial të Maqedonisë, as gjuhën, as identitetin e saj, siç mund të kenë bërë fqinjët e tjerë. Ne i kemi nxitur gjithmonë autoritetet në Maqedoni që të krijojnë një klimë më të mirë ndëretnike në vend, e cila është e nevojshme, jo vetëm për stabilitetin demokratik të Maqedonisë, por edhe për rrugën e saj euroatlantike”, ka deklaruar Bushati.