DIia e sotme shënon 5 vjetorin e Shenjtërimit të Nënë Terezës, murgeshës dhe misionares me prejardhje shqiptare që ndihmoi miliona persona në të gjithë botën.
Kryeministri Edi Rama ka publikuar një video në kujtim të “gruas që u njehsua me dashurinë e Zotit”, video në të cilën flet një nga aktoret më të mira të skenës shqiptare, Margarita Xhepa.
“MIRËMËNGJES, dhe me këtë videokujtesë në Ditën e Shenjtërimit të gruas që u njehsua me dashurinë e Zotit, Nënë Terezës shqiptare, treguar me zërin margaritar të një zonje shqiptare të skenës, Margarita Xhepës, ju uroj një të diel të paqtë”, shkruan Rama.