Kryeministri Edi Rama ka shpërndarë në llogarinë e tij në Tëitter dokumentete dhe fotot që më herët i ka bërë publike sot Taulant Balla. Sipas tyre, më 17 dhjetor 2010, vetëm një muaj para miratimit të Rezolutës kundër Kosovës, Sali Berisha është takuar me të besuarin e Vladimir Putin.
“Një muaj përpara bashkimit të duarve për t’i ngulur thikën pas shpine Kosovës dhe Shqipërisë në Strasburg, Çorba e Rublave është gatuar në Tiranë gjatë një vizite të përfaqësuesit të Putinit, e vlerësuar “shumë e rëndësishme” nga zyra e vulëhumburit tanimë të damkosur: NonGrata”, shkruan Rama.
Në atë kohë, Sali Berisha ka qenë kryeministër i Shqipërisë dhe siç shihet dhe nga foto, bashkë me Oerd Bylykbashin dhe stafine tij, kanë pritur në Tiranë Konstantin Kosachev, kryetarin e Komisionit të Jashtëm të Dumës Shtetërore Ruse.
Një muaj përpara bashkimit të duarve për t’i ngulur thikën pas shpine Kosovës dhe Shqipërisë në Strasburg, Çorba e Rublave është gatuar në Tiranë gjatë një vizite të përfaqësuesit të Putinit, e vlerësuar “shumë e rëndësishme” nga zyra e vulëhumburit tanimë të damkosur: NonGrata! pic.twitter.com/fzXx9nUyJW
— Edi Rama (@ediramaal) November 12, 2022
Konstantin Kosachev ishte inicijuesi i mocionit për rezolutë, nga ku më pas u hartua një raport e në fund Rezoluta 1782 (2011) e Asamblesë Parlamentare të Këshillit të Europës (“APKiE”) për “hetimin e pretendimeve për trajtim çnjerëzor të personave dhe trafikim të paligjshëm të organeve njerëzore në Kosovë”.
Sali Berisha u takua me Kosachev në Tiranë vetëm 37 ditë para votimit në Strasburg të Rezolutës së Këshillit të Europës bazuar në një raport rë sajuar, mbështetur dhe sponsorizuar haptazi nga Kremlini.