Një makine i është vënë flaka në orët e para të mëngjesit të sotëm në Korçë.
Bëhet me dije se ka rënë zjarr në mjetin tip “Benz”, në pronësi të shtetasit, Arjel Cena. Mjeti është shkrumbuar totalisht, ndërsa dyshohet se ka qenë zjarrvënie e qëllimshme.
Në polici Cena është shprehur se nuk ka konflikt me askënd dhe se nuk e di se kush mund ta kishte bërë këtë.
“Rreth orës 02:30, në fshatin Mborje, Korçë, ka rënë zjarr në mjetin tip “Benz”, në pronësi të shtetasit A. C., i cili ka qenë i parkuar në rrugë, pranë banesës së tij.
Mjeti është djegur plotësisht dhe ka vetëm dëme materiale. Nga hetimet paraprake dyshohet për zjarrvënie të qëllimshme.
Grupi hetimor po punon për sqarimin e plotë të rrethanave të ngjarjes” njofton policia.