Një grup emigrantësh të drejtuar dhe organizuar nga Genc Sejko, që njihet edhe si ‘njeriu i memeve’ në rrjetet sociale prej orës 12:00 po protestojnë përpara Kryeministrisë në ditën e dytë.
Protestës së thirrur nga emigrantët i janë bashkuar edhe banorët e Unazës së Re dhe disa studentë. Më herët, banorët e “Bregut të Lumit” kanë nisur një marshim në këmbë drejt Kryeministrisë, për t’iu bashkuar protestës së diasporës.
Protesta nisi një ditë më parë, e pritet te vijojë edhe gjatë ditës së nesërme, ndonëse policia e Tiranës nuk kishte dhënë leje për mbajtjen e saj.