Një 41 vjeçar është arrestuar nga Policia e Kolonjës, pasi akuzohet se ka ushtruar dhunë ndaj bashkëjetueses së tij.
Ka qenë vetë gruaja e cila ka denoncuar shtetasin E. Q., 41 vjeç, banues në fshatin Rehovë, duke thënë se e ka dhunuar fizikisht. Pas denoncimit gruaja ka marrë urdhër mbrojtje.
“Specialistët për Hetimin e Krimeve në Komisariatin e Policisë Kolonjë arrestuan në flagrancë shtetasin E. Q., 41 vjeç, banues në fshatin Rehovë, Kolonjë, për veprën penale “Dhuna në familje”, pasi në banesë dyshohet se ka ushtruar dhunë fizike ndaj bashkëjetueses së tij, për të cilën u plotësua kërkesë-padia për lëshimin e urdhrit të mbrojtjes së menjëhershme., njofton Policia.