Ish-deputeti i PD-së që dhunoi biznesmenin e njohur Gjergj Luca, thotë se telefoni që duket teksa e merr në videon e përplasjes është i tiji, dhe jo i Lucës, siç tha Rama sot.
Boçi thotë se grushtet ndaj biznesmenit të njohur janë “përgjigjja simbolike ndaj agresionit, padrejtësive dhe arrogancës”.
Reagimi i Boçit:
Rama vazhdon të luajë lojën e “telefonit të prishur” me video të prishur!
Telefonin tim e quan të Llucës.
E thotë, kur e di shumë mirë, po shumë mirë ama, që Luca e ka vetë telefonin.
Është siguruar 1000 herë për këtë.
Të bënte vaki ta kisha unë atë tel dhe të mund të publikoja ç’mund të kishte ai brenda, nuk do bënim zgjedhje fare.
Kushedi ku do përfundonte Rama!?
Grushtet janë përgjigjja simbolike ndaj agresionit, padrejtësive dhe arrogancës.
Në 25 prill do marrësh një milion grushte!