Ish-kandidatja për kreun e partisë Demokratike Edith harxhi ka komnetuar dhunën e ushtruar sot ndaj grave të Lidhjes Demokratike të Gruas, kryesisht ndaj Albana Vokshit dhe Evi Kokalarit. Ajo tha se ishte e pranishme kur ndodhi kjo skenë e rëndë, ndërsa tregoi se një grua, mbështetëse e Lulzim Bashës, përdori një fjalor të turpshëm.
Pyetje: A mund të ketë konflikte fizike?
Harxhi: Uroj që të mos ketë përplasje fizike. Nëse do të përdoren njerëz të tjerë për dhunuar njërën palë. Unë isha sot atje dhe para na doli një zonjë që nuk e di se ca detyre ka, e cila pati një fjalor të turpshëm.
Të shkosh paqësisht të hapësh derën e LDG-së dhe të ballfaqohesh me këtë skenë është e rëndë. Unë nuk do të doja të ndodhte kështu, nuk doja që të kishte debat verbal mes dy palëve. Unë po shoh se konflikti po ndodh me njerëzit e paautorizuar që të rrinë aty në seli, por nuk shikoj konfliktualitet nga ne.