Autoriteti i Mediave Audiovizive, ka reaguar pas dhunimit të gazetarit, Elvis Hila gjatë mbrëmjes së djeshme.
AMA kërkon zbardhjen e plotë të ngjarjes dhe vënien para drejtësisë të dhunuesve të gazetarit.
“Ushtrimi i dhunës fizike ndaj një reporteri në detyrë është i papranueshëm
Autoriteti i Mediave Audiovizive, AMA, ka përcjellë së fundmi me shumë shqetësim aktin e rëndë të ushtrimit të dhunës ndaj gazetarit audioviziv Elvis Hila në qytetin e Lezhës.
Kërcënimi psikologjik dhe ushtrimi i dhunës fizike ndaj një reporteri në detyrë janë akte të papranueshme, janë cenim i rëndë i standardeve të lirisë dhe pavarësisë së medias.
AMA pret me padurim zbardhjen e plotë të ngjarjes dhe vënien para drejtësisë të autorëve të këtij akti të shëmtuar dhe të rrezikshmëm për lirinë e shprehjes.
AMA qëndron krah gazetarit Elvis Hila dhe të gjithë kolegëve të redaksive që punojnë me angazhim dhe përgjegjësi profesionale për informimin e publikut.
AUTORITETI I MEDIAVE AUDIOVIZIVE”, thuhet në njoftimin e AMA-s.
Sondazh
Lexo gjithashtu
