Ministria ruse e mbrojtjes ka njoftuar një armëpushim të përkohshëm dhe hapjen e korridoreve humanitare për civilët nga ora 10:00 me orën e Moskës (07:00 me orën europiane) të shtunën nga dy qytete në juglindje të Ukrainës, Mariupol dhe Volnovakha.
Rusia thotë se ka rënë dakord për rrugët jashtë qyteteve me palën ukrainase, por kjo e fundit ende nuk ka dhënë një konfirmim. Mariupol është një qytet port i madh dhe ka qenë i rrethuar nga forcat ruse për disa ditë. Kryebashkiaku bëri thirrje që civilët të lejohen të largohen mes asaj që ai e quajti një “bllokadë” nga forcat ruse.
Edhe pse në dy qytete është shpallur “armëpushim i përkohshëm”, lufta vazhdon në të gjithë vendin. Mediat ukrainase kanë raportuar shpërthime dhe sulme ajrore të afërta në qytete të ndryshme, ndërsa sulmi rus hyn në ditën e tij të dhjetë.
Më poshtë, po ju sjellim zhvilliet e fundit në këtë ditë të 10-të të luftës:
- Qyteti i parë i madh ukrainas që ra ishte Kherson, i vendosur aty ku lumi Dnieper takohet me Detin e Zi.
- Raketat ruse kanë synuar gjithashtu kryeqytetin Kiev dhe qytetin e dytë më të madh Kharkiv. Një kolonë masive e blinduar që i afrohet Kievit me rrugë është aktualisht e bllokuar.
- Porti jugor i Mariupolit është ende nën rrethim dhe trupat ruse po shkojnë gjithashtu drejt një porti tjetër, Odesa – kapja e të dyve do të ndërpresë aksesin detar të Ukrainës.
- Trupat ruse kanë kapur gjithashtu centralin bërthamor të Zaporizhzhia, më i madhi në Evropë, pasi e kanë granatuar për orë të tëra të premten. Lëvizja alarmoi liderët botërorë të cilët thanë se sulmi mund të kishte shkaktuar një katastrofë.
- Fabrika e Çernobilit, vendi i aksidentit bërthamor të vitit 1986, është gjithashtu nën kontrollin rus.
- Presidenti ukrainas Volodymr Zelensky ka dënuar Perëndimin për refuzimin e tij të vazhdueshëm për të zbatuar një zonë të ndaluar fluturimi mbi vendin e tij, duke thënë se “të gjithë njerëzit që vdesin do të vdesin për shkakun tuaj”.
- Ministria ruse e mbrojtjes ka njoftuar një armëpushim të përkohshëm dhe hapjen e korridoreve humanitare për civilët nga ora 10:00 me orën e Moskës (07:00 me orën europiane).