Detaje të reja nga goditja e grupit të trafikut të kokainës mes Gjermanisë dhe Zvicrës, që drejtohej kryesisht nga shqiptarë.
Prokuroria e Tiranës ka përfunduar hetimet, duke çuar në pranga 8 persona, ndër ta edhe Ndriçim Harka, i konsideruar si koka e grupit kriminal.
Harka punonte si zjarrfikës në Shqipëri, dhe sipas Prokurorisë merrej edhe me rekrutimin e personave që do të kryenin transportin e kokainës.
Hetimet për këtë grup kanë nisur nga autoritetet zvicerane në vitin 2015, por një letërporosi e dërguar, ka bërë që të nisin hetimet edhe në Tiranë.
Tre kilogram kokainë janë sekuestruar në disa raste, ndërsa prokuroria thotë se për transportin e lëndës narkotike paguheshin deri në 3,500 euro.
Në dosje është edhe dëshmia e një shtetasi gjerman, Michael Schmiedel, i cili thotë se për llogari të shqiptarëve ka transportuar 7 herë kokainë dhe është paguar me 1 mijë euro për rrugë.