Dje ishte afati i fundit për finalizimin e Reformës Zgjedhore, por pas një mbledhjeje disa orëshe në Këshillin Politik palët nuk arritën në marrëveshje.
Pasi nuk u arrit një marrëveshje kreu i PD Lulzim Basha ka vendosur të mbledhë sot në selinë blu aleatët e tij për të diskutuar lidhur me Zgjedhoren.
Mbledhja është lajmëruar se do të zhvillohet sot në orën 14:00 në selinë e PD.
Palët politike kanë qenë larg akordit të paktën në 2 pika, atë të identifikimit biometrik dhe reformimit të administratës zgjedhore.
Partia Demokratike kërkon identifikimin biometrik, që sipas saj është e vetmja garanci që kutitë e votimit nuk do të mbushen me vota jo reale, por PS nga ana e saj thotë që teknologjia të mos përdoret në të gjitha qendrat e votimit, pasi nuk ka garanci nga teknologjia.
*Përditësim
Para mbledhjes me aleatët Basha do të zhvillojë takim me ekspertët për Reformën Zgjedhore. Sakaq të njëjtën gjë do të bëjë edhe LSI.