Tirana
clear sky
22.5 ° C
22.5 °
22.5 °
68 %
1.5kmh
0 %
Pre
39 °
Sht
39 °
Die
40 °
Hën
39 °
Mar
31 °
E premte, 30 Korrik, 2021

Desada Metaj vs Dalina Buzi, përplasja e gazetareve për buzëkuqin e Brisida Shehajt

spot_img
spot_img

Lajme të ngjashëm

Dalja e djeshme e drejtoreshës së Tatimeve, Brisida Shehaj në studion e emisionit “Dritare”, përveç vëmendjes që tërhoqi në media për imazhin e ri që drejtoresha përcolli, ka shkaktuar një përplasje të fortë mes gazetareve në Shqipëri dhe mënyrës se si u trajtua lajmi.

E para që postoi një koment në mbrotje të Shehajt, ishte drejtuesja e “Anabel”, Dalina Buzi, e cila kritikonte mediat se përse kishin vendosur të vinin në dukje këtë ndryshim në paraqitje të Shehajt. Për Buzin, Brisida Shehaj është vajza që punon në këtë vend dhe ka një nga rolet më të rëndësishme në shtet.

“Ajo çfarë më tmerroi nga i gjithë ky mbulim për të “pjeshkëzuar” (nëse do të ‘vidhja’ shprehjen slang të brezit të ri) Drejtoreshën e Tatimeve, ishte fakti që këtu gjithnjë e më shumë po zhvillohet dhe po forcohet një mllef ndaj gruas që punon. Briseida bëhet drejtoreshë dhe e quajnë “vegël” të Ramës. Briseida del në konferencë për shtyp me këmishë të mbyllur deri në grykë dhe pa grim dhe e quajnë “burrë”. Briseida krihet e lyhet në një studio si çdo njeri tjetër në planet, që kur del në studio televizive lyhet e krihet (burrat, për ata që s’e dinë, vendosin të gjithë pudër në fytyrë) dhe i thonë “U bëre e bukur dhe u zbute”. Briseida vetë, si një grua në një nga rolet më të rëndësishme në këtë qeverisje, nuk merret seriozisht”, shkruan ndër të tjera Buzi.

Edhe moderatorja e emisionit “Dritare”, Rudina Xhunga e ka kritikuar qëndrimin e mediave, duke arritur deri aty sa ta quante dhunë mbi gruan. “Komentet për punën e saj janë të mirëpritura. Çdo vëzhgim mbi feminilitetin edhe duke shtrembëruar fjalët e saj, në përpjekje për ta paraqitur të bukur, pra të paaftë është dhunë ndaj gruas. Dhunë e rëndë verbale”, shkruan ajo.

Por, me këto komente të dy gazetareve nuk ka qenë dakort kryeredaktorja e emisionit “Opinion”, Desada Metaj, që në një shkrim të sajin shprehet se “gazetaro-avokatet” jetojnë në një Shqipëri tjetër nga se çfarë është në të vërtetë. Ajo u kërkon kolegeve që të flasin për mënyrën se si Shehaj arriti në atë post dhe se a është e trajnuar për një pozicion të tillë.

“Por më shumë se vetë drejtoresha,më duken të shqetësuara intervistueset e porositura të saj dhe disa të tjera që shohin tek Brisida,femrën e zonjë,drejtoreshën e aftë që keqkuptohet dhe anatemohet për bukurinë dhe seksizëm. Kaq xhelozi të ketë në gazetarinë shqiptare sa të errësohet gjykimi dhe vlerat e saj ti shohin vetem 2 apo 3 gra të gazetarisë që kanë fatin ta kenë Brisidën dhe shoqe tavolinash? Kaq mirë dhe rezultative është puna e tatimorëve sa të gjithëve u errësohet shikimi dhe përqëndrohen vetëm tek këmbët dhe buzët e drejtoreshës? Kaq të poshtër qënkan shqiptarët e rrjeteve sociale sa nuk arrijnë dot të shohin dhe prekin suksesin në mbledhjen e të ardhurave? Ndoshta po. Ndoshta zonjat gazetaro-avokate jetojnë në realitetin e Shqipërisë që mbledh tatime,në Shqipërine ku pritet kupon tatimor në cdo dyqan dhe lokal,në Shqipërinë ku cdo biznes i madh paguan dhe është i rregullt me ligjin. Në Shqipërine ku nuk i merret malli shitësit të misrit në rrugë se nuk ka kasë,në Shqipërinë ku tatimorët,nuk janë ata komshinjtë që kanë blerë apartamentin luksoz në pallatin tuaj… Por për këtë gazetaro avokatet duhet të më bindin se Brisida e ka merituar këtë pozicion,se ajo është trajnuar dhe shkolluar për një post të tillë ,se ajo nuk është vetëm e përkëdhelura e kryeministrit dhe e bindura e tij e zellshme”, shprehet Metaj.

Lexo edhe: Surprizon Brisida Shehaj, transformim rrënjësor në pamje (Foto)

Më shumë

spot_img
spot_img