Tirana
overcast clouds
15 ° C
15 °
15 °
51 %
5.1kmh
90 %
Mër
15 °
Enj
14 °
Pre
15 °
Sht
13 °
Die
16 °
E mërkurë, 14 Prill, 2021
spot_img

Dëmshpërblimi 100 mln euro Bechettit, Meta reagon ashpër ndaj qeverisë: I kam paralajmëruar, por më fshehën informacion. SPAK të hetojë këtë dëm të madh ekonomik

spot_img

Lajme të ngjashëm

Presidenti i Republikës së Shqipërisë, Ilir Meta ka reaguar me tone të ashpra menjëherë pas vendimit të Arbitrazhit, ku thuhet se qeveria jonë e ka humbur përfundimisht gjyqin ndaj biznesmenit Bechetti, dhe ndaj duhet t’i paguajë si dëmshprëblim 100 milionë euro.

Meta thotë se me kohë e ka paralajmëruar qeverinë shqiptare, por ata i kanë mohuar madje i kanë fshehur informacion lidhur me këtë çështje.

Kreu i Shtetit i bën thirrje SPAK-ut që të hetojë këtë dëm të madh ekonomik që i është bërë shtetit tonë dhe konkretisht taksapaguesve shqiptarë.

Shënimi i plotë i Metës

E kam paralajmëruar prej kohësh Qeverinë ende në detyrë të heqë dorë nga arroganca dhe të tërhiqet nga çdo vendim abuziv e jashtë procedurave ligjore ndaj investitorëve të huaj në vendin tonë.

Vetëm për tekat dhe kapriçot personale të Kryeministrit, i cili e urren edhe lirinë e medias, tashmë Shqipëria është e detyruar të paguajë 110 milion euro.

Skandali merr përmasa më të mëdha, për shkak se Avokatura e Shtetit e ka gënjyer Presidentin e Republikës duke pretenduar se nuk e ka humbur gjyqin me kompaninë në fjalë, madje duke fshehur informacion.

Në këto kushte, i bëj thirrje Prokurorisë së Posaçme Antikorrupsion (SPAK), të nisë urgjentisht hetimet penale për këtë dëm të madh ekonomik të shkaktuar shtetit dhe që do paguhet fatkeqësisht me paratë e të gjithë taksapaguesve shqiptarë.

Është koha, që Drejtësia të vendosë para përgjegjësisë ligjore, të gjithë shkaktarët e këtij dëmi ekonomik, edhe për të parandaluar në të ardhmen dëme më të mëdha për Buxhetin e Shtetit dhe taksapaguesit shqiptarë, për shkak të shpërdorimit të detyrës dhe abuzimit me pushtetin të zyrtarëve të lartë.

Këtë prag-zgjedhjesh, kemi hapur sondazhin për të parë se ku është mbështetja juaj ndaj partive dhe kandidatëve përkatës. Klikoni këtu për të votuar dhe për të aksesuar statistikat e deritanishme.

spot_img

Më shumë

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Lajmet e fundit