Hapësire reklamuese

Politikë

Deklaratat e Bashës, Bardhi: Le partinë 12 vjet në opozitë, koha për ndryshim

Shkruar nga Newsbomb
Deklaratat e Bashës, Bardhi: Le partinë 12 vjet në opozitë,

Kreu i grupit Parlamentar të PD, Gazment Bardhi ka reaguar në lidhje me deklaratat e Lulzim Bashës, i cili është në një konferencë me gazetarët.

Bardhi e cilëson Bashën si personi përgjegjës që la partinë për 12 vite në opozitë, teksa thotë ai prej disa kohësh ai nuk shkon në Kuvend dhe se nuk ka bërë asnjë kallëzim në prokurori kundër Qeverisë dhe asnjë denoncim ndaj Qeverisë.

Reagimi i Gazment Bardhit:

Të të bëjë manual sesi bëhet opozita përgjegjësi kyç që e la partinë 12 vjet në opozitë, që shpalli sot të vdekur 60 mijë anëtarë të partisë vetëm se shprehin kundërshtin për të kaluar nga dështimi në dështim, deputeti opozitar që ka nga 21 Mars 2022 që nuk vjen në Kuvend, që ska bërë asnjë kallëzim në prokurori kundër Qeverisë dhe asnjë denoncim ndaj Qeverisë, që ka 5 muaj që vjen vërdall si memec pa thënë asgjë mbi realitetin politik, edhe pse vendi po rrëshket në autoritarizëm, është për të qeshur dhe për të qarë njëkohësisht.

Koha e zgjimit të opozitës me telekomandim ka marrë fund prej kohësh. Opozita është në betejë me regjimin e Edi Ramës dhe beteja është e vetmja formë e përballjes me një regjim. Leksionet boshe mbi opozitën kemi 12 vjet që i dëgjojmë dhe realiteti kur zgjohesh nga ëndrra e gjumit të thellë është që Rama vazhdon të jetë Kryeministër! Shqipëria ka nevojë për ndryshim dhe kjo mund të arrihet vetëm duke qenë më së pari të vërtetë.

Sondazh

Poll

Lexo gjithashtu

Hapësire reklamuese