Deputeti i Partisë Demokratike Agron Shehaj hedh akuza të forta ndaj qeverisë dhe institucioneve në lidhje me “Dosjen Rraja”.
Shehaj thotë se sipas burimeve të besueshme, hetuesit kaën përgatitur një raport ku e nxjerrin Xhisiela Malokun me probleme mendore dhe haluçinacione, në mënyrë që të rrëzohet dëshmia e saj.
Newsbomb.al raportoi sot se “Xhisiela është thirrur disa herë në prokurori për të dëshmuar në lidhje me ngjarjen, duke marrë parasysh edhe gjendjen e saj të ngarkuar emocionale, pasi burimet bëjnë me dije se ka patur edhe halucinacione”.
Reagimi i Agron Shehajt:
Burime të besueshme informojnë se mbi vajzën e dhunuar, me urdhër të Edi Ramës, hetuesit kanë bërë një raport duke e nxjerrë me probleme mendore, me haluçinacione, në mënyrë që dëshmia e saj të rrëzohet.
Ky skenar kriminal po bëhet për të mbyllur skandalin e torturimit të një vajzë jetime dhe përfshirjes direkte të Taulant Ballës, krahut të djathtë të Edi Ramës.
Nuk u mjaftuan me fshehjen e krimit, as me faktin që e nxorrën në media për ta poshtëruar, por tani duan ta shkatërrojnë plotësisht duke e nxjerrë të çmendur.
Ndaj, unë do ti bashkohem protestës së shoqërisë civile dhe ju ftoj të jemi të gjithë në mbrojtje të saj, të henen, në orën 17.30, përballë Kryeministrisë.