Kryetari i Partisë Socialiste Edi Rama paralajmëron ministrat dhe deputetët socialistë, duke thënë se do të jenë të vetëm përballë drejtësisë së re, nëse u kërkohet llogari për shpërdorim detyre.
Gjatë fjalës së tij në Kongresin e Jashtëzakonshëm të PS, Rama tha se kjo forcë politike nuk do të bëhet mbulesë as “për ministra e deputetë apo drejtora e shefa” nëse drejtësia e re do të kërkojë llogari prej tyre.
“Ik sqarohu para drejtësisë së re me avokatin tënd! Ky do të jetë qëndrimi ynë edhe më i prerë”, tha Rama.
Pjesë nga fjala e Ramës:
Mandati i tretë përputhet me kohë, me një kohë të re të drejtësisë në Shqipëri. PS nuk do të mbëhet mbulesë për asnjë ministër, për asnjë deputet drejtor, nëse drejtësia e re do të kërkojë drejtësi prej tij apo prej saj. E kam thënë edhe më parë kur na është dashur të ndeshemi me këtë sfidë. Dhe po e përsëris edhe sot, Partia nuk mban përgjegjësi për askënd që shkel në dërrasën e kalbur të drejtësisë, por mban përgjegjësi se si reagon për shkeljet. Reagimi tonë do të jetë edhe më i qartë edhe më i prerë, ik sqarohu para drejtësisë me avokatin tënd.
Reforma në drejtësi dhe lufta kundër drejtësisë së vjetër është një vijë e kuqe mes PS dhe kujtdo brenda nesh që hyn në gjynah me popullin dhe shtetin shqiptar duke abuzuar me detyrën për përfitime të paligjshme.
Portat nga qielli, deti, infrastukturat e mëdha, dixhitalizimin, ne do ta realizojmë gjatë kësaj dekade të re, por pa e futur në këtë varg të madhe reformash dhe punësh atë pjesë të shqiptarëve që deri më sot është ndjerë e përjashtuar për shkak të mbylljes apo përplasjes së derës në fytyrë, Shqipëria mund ta rrisë ekonominë, por s’mund të bëhet një shtet që garanton liri, punë dhe si vend anëtar i BE-së.
LIVE:
Sondazh
Lexo gjithashtu
