Tirana
clear sky
30.5 ° C
30.5 °
30.5 °
48 %
3.6kmh
0 %
Mër
28 °
Enj
38 °
Pre
39 °
Sht
31 °
Die
31 °
E mërkurë, 17 Gusht, 2022
spot_img

Dekani i Fakultetit Ekonomik me diploma masteri false, ‘e mori’ në Bullgari

spot_img

Lajme të ngjashëm

Frederik Çuçllari mban postin e Dekanit në Universitetin “Fan S. Nolin” në qytetin e Korçës, falë një masteri që ai thotë se e ka kryer në një universitet në Bullgari.

albsig

Por ndryshe nga sa shprehet dekani, një qytetar që ka trokitur në redaksinë e emisionit investigativ “STOP” pretendon të kundërtën. Sipas Agron Dalipajt, i cili rastin e ka denoncuar edhe në Prokurorinë e Korçës, masteri i paraqitur nga dekani është i parregullt.

Rasti në fjalë u ndoq nga prokurori Elsion Sadiku, i cili në fund e mbylli çështjen, pasi sipas tij, gjithçka rezultonte në rregull.

Stafi i “STOP” iu drejtua dekanit, rektorit dhe prokurorit të çështjes, të cilët dhanë të tre versione të ndryshme.

Të gjendur në këtë situatë, “STOP” vendosi që të kontaktojë Universitetin në Bullgari. Në përgjigjen zyrtare të këtij universiteti, thuhet se nuk ka programe master part time, ndryshe nga sa thotë dekani.

Por a ka Universiteti i Bullgarisë “Neofit Rilski” një program për kryerjen e masterit me kohë të pjesshme?

“STOP” është interesuar pranë fakultetit në Bullgari përmes një emaili, duke e pyetur mbi programet e masterit dhe nëse ka programe masteri part time.

Përgjigjia zyrtare që vjen nga universiteti në Bullgari, pikërisht nga zyra për studentët ndërkombëtarë, është si më poshtë:

“Përshëndetje,

Në përgjigjje të pyetjes tuaj për programin master në ekonomi, ju informoj si më poshtë:

Si një student ndërkombëtar, ju nuk mund të studioni edukimin me kohë të pjesshme, vetëm me kohë të plotë.”

spot_imgspot_img

Më shumë

spot_img
spot_img
spot_img
spot_img