Gazetarët e njohur Armand Shkullaku dhe Andi Bushati janë thirrur në SPAK lidhur me databazën e PS-së me të dhënat personale të 910 mijë personave në Shqipëri.
Drejtuesit e Lapsi.al, pritet që të japin dëshminë e tyre ditën e sotme në orën 13:30.
Kujtojmë se më herët Prokuroria e Posaçme ka nisur hetimet për databazën e kontakteve të Partisë Socialiste.
Mësohet se SPAK do të sekuestrojë serverin e e-Albania për të krahasuar të dhënat me qëllim identifikimin e burimit ku janë marrë të dhënat personale të qytetarëve.
Nëse vërtetohet se këto të dhëna janë marrë nga E-Albania, atëherë kemi të bëjmë me një krim zgjedhor.