Drejtuesi politik i PS për Vlorën, Damian Gjiknuri, ka zhvilluar një takim me ish0simpatizantë të LSI-së në qytetin bregdetar.
Gjiknuri postoi disa foto në Facebook, ku shprehet se PS i ka marrë me dhjetëra simpatizantë LSI-së, të cilët së fundmi i janë bashkuar forcës më të madhe politike në vend.
Sipas tij çdo qytetar i Vlorës duhet të hedhë votën për PS-në më 25 Prill, pasi kjo forcë politike qëndron pas punëve të mira dhe projekteve në zhvillim që do ta bëjnë Vlorën qytetin e dytë më të rëndësishëm pas Tiranës.
Postimi i plotë i Damian Gjiknurit:
Një tjetër grup i gjerë ish-simpatizantësh dhe anëtarësh të LSI-së vendosën të largohen nga ky subjekt duke ju bashkuar alternativës së Partisë Socialiste në Vlorë. Bilanci i punëve të mira të bëra, projektet në zhvillim dhe ato të planifikuara janë arsye e fortë që në 25 Prill çdo qytetar i Qarkut të Vlorës të votojë për skuadrën dhe programin e Partisë Socialiste. Rritja e mbështetjes për familjen tonë të madhe politike është garancia më e mirë për ta bërë realitet objektivin tonë për Vlorën qytetin e dytë më të rëndësishëm pas Tiranës