Kompania shtetërore e fluturimeve Croatia Airlines do të nisë në verë fluturimet e para për dhe nga Tirana. Transportuesi i kontrolluar nga shteti ka njoftuar hapjen e korridoreve të reja të fluturimeve me Berlinin dhe Tiranën, kryeqytetin shqiptar.
Nisjet direkte do të jenë nga kryeqyteti i Kroacisë, Zagreb në Berlin dhe në kryeqytetin shqiptar Tiranë, në një lëvizje për të kontribuar në ofertën turistike të Kroacisë.
Linja e re për në Tiranë do të operohet dy herë në javë, të premten dhe të dielën, mëson newsbomb.al, kurse linja tjetër do të kryejë fluturime Zagreb-Berlin tre herë në javë, të martën, të premten dhe të dielën.
Këtë verë, Croatia Airlines do të rinisë fluturimet edhe me Stokholm pas katër vitesh e gjysmë ndërprerje. Shërbimi i plotë sezonal veror i Kroacisë do të plotësohet dhe me linjën e re midis Splitit dhe Stambollit.
Tirana International Airport
Croatia Airlines i ka shërbyer më parë kryeqytetit shqiptar në fillim të viteve 2000 dhe rifutja e kësaj linje në tregun shqiptar pas më shumë se dy dekadash, thyer ekskluzivitetin e linjës serbe të fluturimeve në Ballkan, Air Serbia.
Biletat kanë dalë në shitje dhe të gjithë qytetarët shqiptarë dhe ata europianë do të kenë mundësi të udhëtojnë për dhe nga Tirana nga 14 Qershori 2024 deri në 25 Tetor 2024.
Transportuesi kroat do të mbajë fluturime në tetëmbëdhjetë destinacione nga Zagrebi këtë verë, duke përfshirë Amsterdamin, Athinën (nëpërmjet Dubrovnikut), Barcelonën, Berlinin, Brukselin, Kopenhagen, Frankfurt, Londër-Heathroë, Mostar, Mynih, Paris, Romë (nëpërmjet Splitit dhe Dubrovnikut), Sarajevë, Shkup, Stokholm, Tiranë, Vjenë dhe Cyrih.
Nje avion i Croatia Airlines
Gjatë sezonit të pushimeve verore, Croatia Airlines do të shërbejë gjithsej 28 destinacione ndërkombëtare, ose 29 aeroporte evropiane, duke operuar pesëdhjetë linja ndërkombëtare, shkruan newsbomb.al. Janë planifikuar gjithsej 17.200 fluturime dhe në shitje rreth dy milionë vende.
Një nga risitë më të mëdha në Croatia Airlines këtë verë do të jetë dhe operimi me një nga 15 avionët Airbus A220 që komania ka porositur, një familje avionësh me trup të ngushtë me pesë krahë nga Airbus Canada Limited Partnership.
Nje avion i Croatia Airlines
Nje avion i Croatia Airlines/ © Markus Mainka / Shutterstock
Sondazh
Lexo gjithashtu
