Edukatorja e një kopshti në Kuçovë së bashku me vajzën e saj, regjistruar në këtë kopësht janë prekur nga Covid.
Sipas informacioneve, edukatorja ka qenë aktive në punë, deri në momentin që ka shfaqur shenjat e virusit dhe pas kryerjes së tamponit ka rezultuar me koronavirus.
Edukatorja është karantinuar së bashku me familjen e saj, ndërkohë që janë karantinuar edhe 12 fëmijët e grupit ku ajo punonte, të cilët do ti nënshtrohen testimit.
Burimet zyrtare të Drejtorisë së Higjenës bëjnë me dije se është kryer dezinfektimi i kopshtit.
Kujtojmë se Instituti i shëndetit Publik (ISHP) do të nxjerrë ditën e sotme listën e mësuesve të infektuar deri më tani.