Teksa Kosova po përballet me një rritje të numrit të rasteve së personave të infektuar me Covid, qeveria po u bën thirrje qytetarëve që të marrin vaksinën pasi vetëm përmes saj mund të parandalohet përphapja e koronavirusit.
Si duket këto shifra e kanë alarmuar edhe reperin Gjiko, i cili përmes një postimi në rrjetet sociale u ka bërë thirrje qytetarëve që të vaksinohen.
“Dikur e fajësonim shtetin që nuk po ka vaksina, tani që janë nuk shkojnë me i marrë. O popull i dashur vaksinohuni se nuk po dhimbke”,ka shkruar Gjiko në postimin e tij.
Kujtojmë se ditën e djeshme në Kosovë u shënuan 1,009 raste të reja të infektuarish me Covid, shifër kjo e cila është një rekord për vendin.