Hapësire reklamuese

Bota

Çipi i parë në trurin e njeriut, brenda 6 muajsh! Elon Musk njofton zhvillime të mëdha dhe për të paralizuarit e personat e verbër

Shkruar nga Newsbomb
Çipi i parë në trurin e njeriut, brenda 6 muajsh! Elon Musk

Kompania Neuralink e Elon Musk synon të fillojë të vendosë implantin e saj të trurit kompjuterik me madhësinë e një monedhe te pacientët, brenda gjashtë muajve, njoftoi kompania në një ngjarje në selinë e saj në Fremont, Kaliforni të mërkurën në mbrëmje.

Neuralink ka rafinuar produktin, i cili përbëhet nga një pajisje e vogël dhe tela të lidhur me elektrodë, së bashku me një robot që gdhend një pjesë të kafkës së një personi dhe e implanton atë në tru. Pra, thënë me fjalë të tjera do jetë një çip që do vendoset në tru.

Diskutimet e vazhdueshme me Administratën e Ushqimit dhe Barnave të SHBA-së kanë shkuar mjaft mirë që kompania të vendosë një objektiv të provave të para njerëzore brenda gjashtë muajve të ardhshëm, sipas Musk.

Sipërmarrësi amerikan zbuloi punën që po bëhet dhe në dy produkte të tjera. Është duke zhvilluar një implant që mund të futet në palcën kurrizore dhe potencialisht të rikthejë lëvizjen tek dikush që vuan nga paraliza. Dhe ka një implant okular që synon të përmirësojë ose të rikthejëshikimin e njeriut.

“Kemi punuar shumë që të jemi gati për njeriun tonë të parë dhe duam që të jemi shumë të kujdesshëm dhe të sigurt se do të funksionojë përpara se ta implementojmë, por kemi dorëzuar besoj pjesën më të madhe të punës sonë në FDA dhe mendoj se brenda 6 muajsh do të mund të kemi Neuralink-un tonë të parë te një njeri”, ka thënë Elon Musk.

 

Sondazh

Gazetari Eduard Ilnica është dhunuar barbarisht mbrëmjen e së hënës nga disa persona. Për shkak të një shkrimi botuar në gazetën lokale për ekipin e Kastriotit.

Sakaq, ka reaguar demokrati Genc Pollo që akuzon qeverinë për mosmarrje dënimi apo solidarizim për rastin në fjalë.

Pollo thotë se liria e shtypit ka rënë poshte.

“Edhe një gazetar tjetër i dhunuar barbarisht pasi bëri detyrën, raportoi për dhunën në stadium. Në mes të Tiranës! Asnjë dënim apo solidarizim nga qeveria, ministri i Brendshëm, i Sportit. Si dhe më parë. Liria e shtypit poshtë”, shprehet deputeti në një deklaratë për mediat.