Kanë kaluar disa rrugë nudo në qendër të Bitontos përpara se të bllokoheshin nga forcat e policisë pas sinjalizimit të kalimtarëve. Gjithçka ndodhi të premten paradite, pikërisht ditën e Krishtlindjeve.
Protagonistë janë një çift të rinjsh, ai 23 vjeç e vajza 21 vjeçe, që besohet, sipas medias italiane të kenë qenë nën efektin e ndonjë lloj droge. Episodi është filmuar nga kalimtarë të rastit dhe video menjëherë është bërë virale.
Në imazhe duken të dy të rinjtë që ecin në rrugë nudo. Disa qytetarë i kanë ndaluar dhe kanë parë vajzën që kërkonte ndihmë, ndërsa djali vazhdonte e tërhiqte derisa mbërriti policia.
Për këtë çështje është interesuar edhe Komuna dhe Gjykata për Minorenët sepse çifti ka një djalë 3 muajsh që është marrë menjëherë në përkujdesje sociale.
Kryebashkiaku i Bitontos Michele Abbatiçhio ka komentuar për incidentin duke thënë se nuk duhet ironizuar për ç’ka ka ndodhur. “Nuk ka asgjë për të qeshur” shtoi ai.