Dy të rinj shqiptarë janë arrestuar nga autoritetet në Aeroportin e Granadës në Spanjë, gjatë tentativës për të fluturuar drejt Londrës me dokumente false.
Policia spanjolle bën me dije se në pranga është vënë një 29 vjeçar dhe një 22 vjeçare, të dy me kombësi shqiptare dhe të pajisur me pasaporta false austriake dhe franceze.
Sipas autoriteteve spanjolle, çifti i shqiptarëve ishte i pajisur edhe me dy patenta të falsifikuara me të njëjtat të dhëna që kishin në pasaporta.
Ata janë dërguar në Komisariatin e Policisë Provinciale, ndërsa është vënë në dijeni edhe konsullata shqiptare në Spanjë.