BE-ja është në proces të përshpejtimit të procedurave për nënshkrimin e marrëveshjeve me vendet e treta jashtë Bashkimit me synimin për një bashkëpunim më të mirë në mbrojtje.  E teksa BE po përshpejton procedurat për mbrojtjen, Greqia kur erdhi diskutimi te Shqipëria, këmbënguli se duke qenë një vend që dëshiron të anëtarësohet në BE, duhet të jetë në përputhje me rregullat e ligjet evropiane, duke iu referuar edhe një herë "ngërçit" për Belerin.

Në këtë rast grekët propozuan Maqedoninë e Veriut si vendin më të përshtatshëm për të lidhur një marrëveshje të mbrojtjes dhe sigurisë me BE-në, pasi ajo ka treguar një performancë më të mirë në fushën e sundimit të ligjit. “EKathimeri” shkruan se propozimi grek nuk u pranua nga BE, por as çështja e Shqipërisë nuk eci përpara, edhe pse pati një mbështetje të fortë nga Italia.

Lidhur me çështjen Beleri, autoritetet greke janë duke pritur për të parë deri më 25 janar, kur pritet gjyqi i kryebashkiakut të zgjedhur të Himarës. Shqipria e Greqia vijojnë të jenë në kontakt, pasi shteti fqinj kërkon që Belerit t’i jepet mundësia që të betohet si kryetar i zgjedhur i Himarës. Beleri u arrestua majin e kaluar me akuza për blerje votash në prag të zgjedhjeve lokale.