Hapësire reklamuese

Çështjet kryesore

Aktualitet

Celularë dhe pajisje të tjera kontrabandë, arrestohet pronari i dyqanit në Fier (EMRI)

Shkruar nga Newsbomb
Celularë dhe pajisje të tjera kontrabandë,

Një 42 vjeçar është arrestuar nga Policia e Fierit, pasi  akuzohet për tregtim të mallrave kontrabandë.

Bëhet me dije se në pranga ka rënë shtetasi Gramoz Kapaj, 42 vjeç, i cili akuzohet për veprat penale: "Tregtimi dhe transportimi i mallrave që janë kontrabandë", "Ushtrimi i aktivitetit pa liçensë", "Fshehja e të ardhurave" dhe "Mospagimi i taksave dhe tatimeve".

Gjatë kontrollit në servisn e tij u gjetën dhe u sekuestruan, 17 aparate celulare, aksesorë celularësh dhe pajisje të tjera elektronike, për të cilat nuk dispononte fatura tatimore.

Njoftimi i Policisë:

Fier/Finalizohet operacioni policor i koduar “Tregu”, sekuestrohen celularë dhe pajisje të tjera elektronike të kontrabanduara.

Vihet në pranga pronari i dyqanit ku u gjetën pajisjet e kontrabanduara, i cili duke mos e regjistruar këtë biznes, iu shmangej detyrimeve tatimore.

Në vijim të kontrolleve në subjekte të ndryshme tregtare në qark, për të parandaluar, evidentuar dhe goditur krimet ekonomike, specialistët për Hetimin e Krimeve Ekonomiko-Financiare të DVP Fier organizuan dhe finalizuan operacionin policor të koduar “Tregu”, si rezultat i të cilit u arrestua në flagrancë shtetasi:

-G. K., 42 vjeç, banues në Fier, për veprat penale "Tregtimi dhe transportimi i mallrave që janë kontrabandë", "Ushtrimi i aktivitetit pa liçensë", "Fshehja e të ardhurave" dhe "Mospagimi i taksave dhe tatimeve".

Nga kontrolli i ushtruar në biznesin (servis celularësh) e 42-vjeçarit, shërbimet e Policisë gjetën dhe u sekuestruan, 17 aparate celulare, aksesorë celularësh dhe pajisje të tjera elektronike, për të cilat ky shtetas nuk dispononte fatura tatimore. Gjithashtu, u konstatua se shtetasi G. K. e ushtronte këtë aktivitet, i paregjistruar në organet tatimore.Materialet procedurale i kaluan Prokurorisë pranë Gjykatës së Rrethit Gjyqësor Fier, për veprime të mëtejshme.

Lexo gjithashtu

Sondazh

Poll