Një mega aksion i Policisë së Vlorës në bashkëpunim me Renea, DPPSH dhe FNSH është duke u zhvilluar në Babicë të Vogël në Vlorë, ku janë sekuestruar 10 ton kanabis sativa. Aksioni është konkretizuar në orën 21:00 të mbrëmjes së sotme, pas hetimeve 1 gati 3 vjeçare nga Prokuroria e Krimeve të Rënda në bashkëpunim me palën italiane.
Mësohet se operacioni ka patur objektiv kapjen e Florian Habilajt, i përfshirë në rrjetin e trafikut ndërkombëtar të drogës si dhe persona të tjerë të përmendur në përgjimet e "dosjes Habilaj".
Nga Policia e Vlorës nuk ka ende në njoftim zyrtar për operacionin ndërsa raportohet se janë arrestuar disa persona. Burime jozyrtare thonë se në pranga kanë rënë rreth 10 persona.
Aksioni i policisë vijon në fshatin Babicë të Vlorës, ndërsa uniformat blu po krehin zonën ku dyshohet të jenë persona të shpallur në kërkim ndërkombëtar. Kontrolle po ushtrohen edhe në banesat e tjera të fshatit.
Lajmin për sekuestrimin e 10 ton kanabis fillimisht e ka dhënë ish kryeministri Sali Berisha, sipas të cilit sasia marramendëse e drogës është gjetur në vilën e shtetasit Armand Koçerri, mik i Habilajve.
Ka dyshime se Koçerri ka qenë në vëzhgim nga autoritetet italiane dhe ato shqiptare ndërsa banesa e tij shërbente si pikë grumbullimi për kanabisin e zonës.