Kryeministri Edi Rama ka publikuar një video nga qyteti i Pukës, ku shihen imazhe të këtij qyteti, të cilat Rama i cilëson si bukuri përrallore të pashkelura më parë.
Sipas tij sot këto pamje e kanë kthyer Pukën në një një qytezë mikpritëse për vizitorë e turistë të huaj. Dodë Morina një prej banorëve të Pukës thotë se këto pamje i ngjajnë Liqenit të Pogradecit.
“Eh Puka. Që për shumë njerëz duke në Honolulu. Por puna, bën gjithçka. Puna dhe kur vlerësohet. Ajo që është e mirë, është e mirë. Ka një ecje edhe në infrastrukturë Puka. Ndonjëherë më jep shijen e liqenit të bukur të Pogradecit”, u shpreh banori.
Postimi i plotë i Edi Ramës:
RILINDJA E PUKËS Bukuritë përrallore që askush nuk i shkelte, sot janë kthyer në një qytezë mikpritëse për vizitorë e turistë të huaj, në ndihmë të bizneseve me produkte të zonës, shëmbëlltyrë e pamohueshme e Rilindjes Urbane, nga Veriu në Jug”