Një zyrtar rus deklaroi se Rusia është e gatshme të shqyrtojë propozimin e presidentit të ri të SHBA-së, Donald Trump, për përfundimin e konfliktit në Ukrainë.
Zëvendësministri i Jashtëm rus, Sergei Ryabkov, theksoi se Moska dhe Uashingtoni po komunikojnë për çështjen e Ukrainës përmes kanaleve të mbyllura. Sipas tij, Rusia do të jetë e gatshme të dëgjojë propozimet e Trump, por me kusht që ato të përfshijnë ide për arritjen e një marrëveshjeje, jo për ndihmë të mëtejshme ndaj qeverisë së Kievit.
Ndërkohë, Rusia duket se po përgatitet për një valë të re sulmesh ajrore, ndërsa zyrtarët ukrainas po bëjnë thirrje për mbështetje nga Perëndimi për t’u mbrojtur.
Kievi është në pritje dhe me dyshime rreth politikës së administratës së re amerikane, pasi Trump ka shprehur skepticizëm për ndihmën e SHBA për Ukrainën dhe ka bërë deklarata të paqarta për zgjidhjen e konfliktit, shpeshherë duke lavdëruar presidentin rus, Vladimir Putin.
Ndërkohë, Përfaqësuesi i Lartë i BE-së për Politikën e Jashtme, Josep Borrell, përsëriti angazhimin e Bashkimit Evropian për mbështetjen e Ukrainës. "Mbështetja e BE-së për Ukrainën ka qenë prioritet i imi gjatë mandatit dhe do të mbetet në krye të agjendës së BE-së," shkroi Borrell në platformën sociale X.
Sondazh
Lexo gjithashtu
