Hapësire reklamuese

Bota

Zelensky e nënshkruan ligjin që lejon të dënuarit me burg të shërbejnë në ushtri

Shkruar nga Newsbomb

Zelensky e nënshkruan ligjin që lejon të dënuarit me burg

Presidenti i Ukrainës, Volodymyr Zelensky, e ka nënshkruar të premten një ligj, i cili i lejon të dënuarit me burg të shërbejnë nën kushte të caktuara në Forcat e Armatosura të vendit.

Parlamenti ukrainase e kishte miratuar projektligj më 8 maj, pasi Qeveria kishte hequr dorë nga kundërshtimi i tij.

Ky ligj u fut në fuqi në një kohë kur Ukraina është duke u përballur me mungesë personeli ushtarak në luftën kundër ushtrisë ruse.

Moska e nisi pushtimin e jashtëligjshëm dhe të paprovokuar të Ukrainës në shkurt 2022.

Kievi e ka kritikuar Rusinë për rekrutimin e të dënuarve nga burgjet ruse për të luftuar në shkëmbim të lirimit të tyre nga burgu.

Raportet në muajt e fundit kanë gjetur se ish të burgosurit kanë kryer krime të rënda në vend, pasi kanë shërbyer në luftë.

Më herët, Ministria e Drejtësisë kishte thënë se Ukraina nuk po formon diçka të ngjashme me grupin mercenar rus, Wagner, që në radhët e veta ka angazhuar edhe përdhunues dhe vrasës.

LEXONI EDHE KËTË:Rusia i vazhdon sulmet në rajonin e Harkivit, ku Putini synon të krijojë “zonë neutrale”
Të premten, Rusia i vazhdoi sulmet në rajonin verilindor të Ukrainës, Harkiv, ku Moska synon ta krijojë një “zonë neutrale”.

Komandanti i Përgjithshëm i ushtrisë ukrainase, gjenerali Oleksandr Syrskiy, tha më 17 maj se zona e luftimeve është zgjeruar për 70 kilometra.

Kjo e ka detyruar Kievin, i cili përballet me mangësi në fushëbetejë tashmë, të dërgojë më shumë trupa në këtë zonë lufte dhe të dobësohet në pjesët e tjera./rel 

Sondazh

Poll

Lexo gjithashtu

Hapësire reklamuese